‘Caminata fuerte’ den Parke Arikok tabata exitoso

ORANJESTAD (AAN): Diadomingo mainta trempan hasta prome cu solo a sali, varios amante di naturalesa a reacciona riba e oferta pa bay cana den mondi

y asina participa den e asina yama ‘Rough Hike’, cu Aruba Conservation Foundation a organizando den Parke Arikok.

   E caminatanan fuerte aki a duna participantenan un chens pa ‘conecta cu naturalesa’ di cerca bao guia di un Park Ranger, y di e forma ey bo ta uni cu naturalesa. E caminata aki yama ‘Rough Hike’ a cuminsa pa 5:45 am, y a dura te banda di 9:00 am.  Asina nan a cana 7,0 kilometer den naturalesa.

   A cuminsa na Centro di Bishitante di Parke Nacional Arikok, y asina pasa y explora e Visitor Center, Cunucu Arikok, Shete, Rooi Fluit, Moro, y Daimari unda a finalisa.  Aruba Conservation Foundation lo suministra Bus pa asina trece tur hende bek for di Daimari pa e Visitor Center.

   E tabata un berdadero oportunidad pa aprecia e bunitesa di naturalea na un forma respetuoso y conciente.  Y a compronde cu tur participante a encanta e caminata fuerte aki.