Cada isla invita a planta un mata di fruta of berdura den acto simbolico na Santa Rosa

Pa promove importancia di seguridad di alimentacion

ORANJESTAD (AAN):  Santa Rosa cu nan directora Nathalie Maduro, Sr. Randall y Minister di Naturalesa, Sr. Ursell Arends ta liderando un iniciativa pa promove e potencial di sector primario na Aruba y mehora seguridad di alimentacion den Reino Hulandes.

            Proyectando  vision pa futuro, hunto a organisa e Dutch Caribbean Agro Visioning Conference, uniendo Gobernantenan di hermana islanan Corsou, Boneiro, Saba,  St. Eustastius y St. Maarten.

            E conferencia cu e 6 islanan na Aruba a inicia diaranson y tin como meta pa fortifica lasonan y crea un plan concreto pa cooperacion. Riba potret tambe por wak algun momento di e apertura oficial.