Bureau City Inspector a cuminsa controla tur auto bieu para ariba caminda publico

ORANJESTAD (AAN):  Diaranson mainta Bureau City Inspector (BCI) a cuminsa bishita e bario di San Nicolas pa wak cuanto auto tin para den e cayanan ariba acera cu ta stroba peaton di cana.

            BCI a bishita Mons. Niewindtstraat, Louise de Coligny straat, Adolf van Nassaustraat, Lodewijk van Nassaustraat Orinocostraat, Amazonstraat y Jan van Nassaustraat.

            Awe diahuebs 16 juni 2022 lo continua cu e investigacion di e autonan bieu cu ta para ariba caminda publico.

            Si bo persona no kier e autonan bieu aki mas yama BCI y puntra pa Robby Rosel. Su persona ta na cabez di e proyecto aki di recoge autonan bieu ariba camindanan publico pa e luna di juli 2022.

            BCI hunto cu otro departamentonan na su debido momento y fecha lo manda recoge esaki nan sin ningun gasto.

            Si bo persona laga BCI mes bin pa recoge e autonan bieu e ora e gastonan lo bay pa e persona envolvi cu ta doño di e autonan. Yama BCI na 582-9777 y duna bo melding.