Bunita presentacion di Grupo Nucleo cu “Intercambio cultural entre generacion”

En conexion di Dia di Adulto Mayor:

ORANJESTAD (AAN) – En conexion cu Dia Mundial di Adulto Mayor, dia 1 di October, den cas di Cultura Grupo Nucleo a presenta su bunita show den cual a comparti stage adultonan y hobennan.

            Magdalena Yarzagaray Orman, a duna DIARIO informacion tocante dicho actividad yama: “Intercambio cultural entre generacion”, cu tur aña nan ta organiza, y e aña aki no tabata un excepcion.

Nucleo a presenta un total di 13 grupo cu 218 persona riba stage.

            E evento a bay hopi bon, unda cu tur carchi a wordo bendi y tin mas hende a yama puntra pa carchi pero den un siman a “sold out”.

            Intercambio cultural entre generacion ta nifica intercambio entre adultonan y hoben, cu ta haci show hunto. E tabata un actividad hopi bunita y varia, entre otro, a presenta un comedia, y Nucleo a keda hopi satisfecho cu e resultado.