ORANJESTAD (AAN) – E rotonde di Mama Rosa a celebra su apertura, pa loke ta Pasco y Aña Nobo 2021, diabierna ultimo, den un ambiente musical, hopi agradable.
Den entrevista cu DIARIO Mama Rosa a comenta cu esaki ta e di siete edicion despues di su reapertura siete aña pasa, door cu el a tuma un pause prome cu esaki.
Diabierna e tabata hopi anima y a estrena un par di cantica di gaita, cu a wordo compone pa e damitanan cu ta canta y Mama Rosa mes, cu yama “no kibra bo cabes”, cu a wordo graba tambe y a pega masha lihe, e publico a bira loco cune.
E decoracion di casitanan y tur loke ta haci e lugar bunita, a wordo traha pa e famia mes y algun hende cu a yuda. Mama Rosa a gradici tur persona y famia cu a colabora cune, pa set up e anochi di inauguracion y tur sponsor cu a yuda nan pipita di santo.
