Bucatini Restaurant a honra prensa local cu un desayuno

ORANJESTAD (AAN): Dialuna mainta trempan, ehecutivonan di mercadeo como tambe chef Ludwich di Bucatini Restaurant situa den JOIA Aruba by Iberostar,

tabata anfitrion di un huesped special pa miembronan di prensa.  Esaki relaciona cu e hecho cu ta celebrando Dia di Prensa.

   Ehecutivonan Rufoldo Dirksz y Ghislaine de Windt a duna bon bini na e miembronan di prensa, y a splica cu nan ta aprecia hopi e trabao di prensa na Aruba, y cu nan ta hopi satisfecho cu e cobertura di prensa local.

   Chef Ludwich tambe a bin splica cu nan a haya chens pa prensa experiencia e variedad amplio di desayuno cu nan ta ofrece, incluyendo varios cuminda di Aruba, y cu sorprendentemente turistanan ta encanta come nan!  Pan bati cu slice di keeshi riba dje, y tambe tin Pan Boyo, Pastechi cu tin turistanan loco, y hopi mas.

   Ademas di delicioso cuminda, nan ta conta cu waiternan profesional cu ta atento cada rato pa bo peticion.

   Na final cada miembro di prensa a haya un caha bunita conteniendo algun regalito, y tur esaki a wordo aprecia.