ORANJESTAD (AAN): Bon noticia! E trabao principal a keda cla. DOW a confirma cu Brug Fredis Refunjol,
esta e brug riba Green Corridor a keda cla cu mantenimento, y e ta habri completamente bek.
Solamente awe Diahuebs 10 Augustus 2023, y tambe Diabierna 11 di Augustus 2023, lo cera un parti di e caminda cerca di e acera mey-mey pa asina contratista por kita e asfalt y drecha e muraya manera e tabata prome cu e trabaonan di mantencion mester a tuma lugar.
DOW y e contratista ta manda un danki sigur na cada un di e automobilistanan cu ta transita diariamente riba e brug pa e pasenshi brinda durante cu e mantencion cu a tuma lugar.
