Boy Ecury: Nos Heroe Arubiano

Segundo Jorge Adelberto Ecury ( Boy) ta naci dia 22 di April 1922

y ta procedente di Rancho, Oranjestad na Aruba y ta fayece dia 6 di November 1944.

Boy ta bini di un famia grandi pasobra e tabata di 7 den 13 ruman.

Boy a bai school na Aruba y despues pa un periodo cortico a atende un academia militar na Puerto Rico. Despues di esey Boy a bai Hulanda pa studia. Na 1937 Boy Ecury a gradua na Hulanda den economia. Durante Boy su periodo na Hulanda Boy a biaha hopi den Hulanda y a cera conoci cu hopi hende.

Di Dos Guera Mundial ta cuminsa na 1939 y Alemania bao liderazgo di Hitler ta invadi Hulanda. Boy Ecury tabata testigo di esaki.

Na e ciudad di Tilburg Boy a cera conoci cu Luis de Lannoy, un mucha homber di Curacao, cu tabata forma parti di di e Resistentia Hulandes. E grupo di resistencia aki tabata haci trabaonan di sabotage, pone explosivo contra di trucknan di militarnan Aleman. Boy Ecury a cuminsa forma parti di e operacionnan anti Nazi aki. Boy no por a hiba un bida normal y cada mes tabata muda di un ciudad pa otro y mayoria di biaha tabata biba scondi.

Boy a participa di multiple operacion anti Nazi.

Un persona ta traiciona e grupo y e militarnan Aleman (Nazi) ta captura e grupo incluyendo Luis de Lannoy.

Militarnan Nazi ta tuma Luis de Lannoy preso, ta tortura Luis. Boy Ecury a purba di saca Luis for di prison pero no a logra.

Dia 05 di November Militarnan Nazi ta captura Boy Ecury na Rotterdam danki na e traicion di Kees Bitter.

Militarnan Nazi ta interroga y tortura  Boy Ecury, pero Boy no ta divulga ningun informacion cu por a traiciona su amigonan

Dia 6 di November 1944 militarnan Nazi ta ehecuta Boy na Waalsdorpervlakte. Boy Ecury tabata tin 22 aña.

Na 1947 a haya e curpa di Boy y ta trece e curpa di Boy na Aruba y ta haya un entiero militar.

Dos aña despues ta traha un estatua na Boy Ecury su honor na L.G. Smith Boulevard. 

Compila pa Roberto G. Croes

Nos Historia Nos Herencia