ORANJESTAD (AAN): Un boto di pisca cu tabata nabegando for di Republica Dominicana rumbo pa Honduras, a sink den lama pazuid di e pais di merengue.
Ehercito Dominicano a ricibi via di nan Centro di Operacion Maritimo, e yamada di urgencia pa mustra cu e boto ‘Spanish Queen II’ ta yenando cu awa y ta sink.
Nan a manda un cutter di Guardacosta, esta GC-111 hunto cu algun speedboat pa bay yuda e 25 personanan cu ta abordo.
E boto cu piscado a sink na distancia di como 500 km Noord-Noordwest di Aruba, cerca di e isla Beata na Republica Dominicana.
Den e operacion di rescate aki, a logra salba bida di tur 25 miembro di tripulante. Tur ta Dominicano, excepcion di uno.
No ta conoci kico ta e causa cu e boto aki a yena cu awa, sink y awor a desaparece bao superficie.
