WILLEMSTAD: Diamars madruga e radar di Guardacosta di Caribe Hulandes a detecta cu tin un boto no-identifica den area di Curacao.
Mesora e barco Zr.Ms. Friesland cu tabata den e area, a cuminza mobiliza pa check kico ta pasando.
Ora cu nan a yega e boto, nan a mira cu abordo tin hende cu ta mandando luz cu flashlight pa nan.
Na momento cu autoridad a yega mas cerca, a bin realiza cu tin hopi mas hende abordo. E personanan a bisa cu nan boto a haya problema cu motor, y cu pesey nan no por a sigui nabega.
Di e forma ey RCC, cu ta Rescue and Coordination Center a manda un boto di patruya pa e area pa asina asisti e personanan aki.
Ora cu a yega, e oficialnan a bin nota cu ta trata di un boto cu tin abordo 13 persona indocumenta. Tur 13 persona ta Venezolano, y ta trata di seis muher, seis homber, y un mucha.
Nan a wordo treci na tera na Curacao, unda nan tur a wordo pasa pa Cuerpo Policial di Curacao pa invesigacion.
E boto mes awor ta confisca.
