KRALENDIJK: Departamento di Salubridad Publico na Bonaire, a caba di lanza e campaña ‘Nothing Nada Nix18’.
Cu e campaña aki, nan kier concientiza riba e riesgo di uzo di alcohol cerca hobennan bao di 18 aña.
E lanzamento riba Diaranson a socede cu develo di un mural di Nothing Nada Nix18.
Aunke hobennan mes por siña haci escogencianan conciente, nan no ta para nan so. E campaña di Nothing Nada Nix18 ta dirigi riba e rol crucial di nan ambiente. Mayornan y tambe miembronan di famia, scolnan, organizacion- y otro adultonan por contribui na un ambiente unda hobennan por crece na forma saludabel y safe. Door di duna bon ehemplo, y papia cu hobennan encuanto alcohol, nan por yuda sostene hobennan ora cu nan haci escogencianan saludabel.
