Bomberonan cu accion rapido pa evita compania Dijtham a kima

ORANJESTAD (AAN): Diasabra anochi algo pasa di 11:00 pm, algo a cuminza kima den e edificio di Dijtham situa den Schotlandstraat na Eagle.

   Polis tabata esnan prome na e lugar, y berdad a constata cu parti paden nan por mira candela. Brandweer ya tabata na caminda y mester a yega lihe pa e candela no expande.

   Autoridadnan a cuminsa busca forma pa haya contacto cu e persona cu tin yabi di e negoshi, pero esey tabata birando dificil.  Como cu no por haya ningun persona di e negoshi, Bomberonan a kibra un bentana cu tin hekwerk tambe, y asina combati e candela di eynan.  Cu nan straal bon dirigi di awa, nan a logra pag'e. Despues nan lo kibra e hekwerk pa drenta debi cu tabata tin hopi acumulacion di huma.

   Personal di NV Elmar a yega tambe pa a kita coriente di e lugar, pa seguridad.

   Caminda a wordo cera pa brandweer por a yega lihe y traha trankilamente. Asina mes; un representante di e negoshi a yega den auto y por poco ta dal polis y bomberonan y ta pasa ariba e slangnan.

   Parse cu recientemente e negoshi lo a conoce un cambio di doño. Aparentemente un fan, lo tabata causante di e candela, y bon mes cu un fire alarm a detecta esaki cu a bati alarma.