Bomberonan a bay yuda dama na Argentina ora dede keda pega den boton di toilet

BUENOS AIRES: Un dama hoben na Argentina a haye ta pasa den momentonan insolito y di desesperacion,

cu na final mester a busca yudanza di Cuerpo di Bombero.  Despues di a bay baño y a primi e boton di toilet, su dede a keda atrapa y el a cuminza pidi pa auxilio.

   E mucha muher mes a trata di saca e dede di mil manera, pero na final e no a logra cu su formanan.  Nan a trata di sak’e cu forza, tambe cu yudanza di famianan, y usando diferente producto lubricante.

   Despues di tur e intentonan aki, y cu nan a faya, e habitantenan na e cas a tuma e decision pa yama e Cuerpo Boluntario di Bombero.  Mesora un equipo a yega na e lugar, y a asisti e dama den e region di Neuquén, na Argentina.

   Prome cos cu Bomberonan a haci, ta kita e tapadera di e toilet.  Despues di esey, nan a pone un draaibank chikito y cu iluminacion a traha pa un rato largo.  Nan a kita e O-Ring cu tin poni na e tapadera y e boton, y despues nan a bay pa desmantela e boton.

   Apesar cu e bataya a dura varios minuut, finalmente Bomberonan a logra di saca e dede di e tapa sin cu e dama hoben a keda cu herida na su dede.