ORANJESTAD (AAN): Tin hopi hende cu keto bay ta transporta resto di mata y demas ‘grofvuil’ di cas, sin cu esaki tin un lona riba dje.
Tene cuenta cu bo ta violando regla asina, y bo por haya un boet. E potret aki suministra door di Bureau City Inspector ta mustra con e pickup aki a wordo para pasobra e tabata transportando restonan di mata di e forma aki, y door di movimento riba caya cu e fluho di biento, e matanan aki tabata zwaai y bula cay for di e baki a lo largo di e ruta.
E speransa tey cu comunidad lo por coopera pa asina evita cu esaki ta socede, pues pone un lona y wanta e obhetonan bon, pa bo evita di haya un boet.
