The Casino at St. Regis Aruba ta anuncia nan tremendo campaña pa 2025:
ORANJESTAD (AAN): Tres siman pasa, The Casino at St. Regis Aruba a celebra e apertura di e prome casino di e marca St. Regis na mundo, un anochi cu tabata hopi ameno y unda henter Aruba a sera conoci cu un casino cu ta destaca cu su ambiente sofistica, di elegancia y cu un servicio personal cu ta eleva e experencia di casino riba e isla.
Pa inaugura e casino den un forma grandioso, nan ta anuncia nan campaña pa 2025: Gana $400,000 den premionan cash! Cuminsando cu $130,000 for di 1 di maart te cu 29 di mei. Lo tin sorteo semanal tur diabierna cu $10,000 den permionan cash di cual e prome premio lo ta $5,000 cash.
Con pa participa den e tremendo campaña aki? Tur bishitante mester ta miembro of bira miembro na e Casino VIP Desk. Tur siman por acumula 80 punto riba slot machines of $40 Theoretical Win na weganan di mesa pa ricibi 1 ticket di rifa. Tur diabierna anochi tur bishitante tin oportunidad di gana premionan cash.
Durante e anochi por pasa relaha na Ventura Bar, situa den e curason di e casino. Ventura ta ofrece un seleccion exclusivo di e miho bourbons, whiskies y cogñacs, hunto cu cocktailnan traha door di e Hosts experto y ta brinda un experencia eleva.
Ta invita henter Aruba pa pasa bishita e casino luhoso aki, cu a celebra su gran apertura dia 8 di februari ultimo, y experencia un seleccion exkisito di wega tradicional di mesa, slotmachine y kiosk di sportsbetting. Habri tur dia di 6:00 PM pa 5:00 AM, The Casino at St. Regis Aruba ta brinda un ambiente refina y servicio personalisa.
The Casino at St. Regis ta hopi orguyoso di celebra su apertura y trece un campaña di e magnitud aki pa e isla. E casino ta invita su bishitantenan pa participa y gana, caminda luho, entretenimento y elegancia ta bini hunto den un experiencia unico.
