Bluestart Capital ta cla pa ofrece Facilito Cash Loans

ORANJESTAD(AAN): Diahuebs dia 17 di November Bluestart Capital a anuncia lanzamento su servicionan financiero, ‘Facilito Cash Loans’.

E servicio financiero aki ta disponibel pa tur ciudadano di Aruba, cu ta cualifica pa ricibi un prestamo personal of pa negoshi, rapidamente.

Bluestart Capital (Aruba) VBA ta un division di e Unicomer Group, un compania lider cu presencia amplio den Caribe y Latino America, experto den venta y servicionan financiero.

Inclusion financiero ta hunga un rol importante dentro di e vision di Unicomer Group, generando asina un crecemento economico sostenible den su operacionnan, ofreciendo tambe solucionnan pa su clientenan y comunidadnan.

Pa logra duna financiamento specialmente na esnan cu no tin acceso na credito, ta un meta cu nan tin.

Durante e evento di lanzamento Diahuebs, managing director di Bluestart Capital, Francois Krist a enfatiza dedicacion di e compania pa e proyecto aki cu siguramente ta bay yuda stimula bienestar y economia, cu sigur ta na bon momento mirando e nivel halto di necesidad di prestamonan cash riba e isla.

Kirst a menciona tambe con orguyoso e ta pa ta na cabez di e movimento aki pa sostene prestamonan priva, chikito y pa negoshi chikito, cu no solamente lo impacta nos economia, sino ta bay ta tambe un ayudo importante pa miles di hende na Aruba.