*Plaza Bon Bini bon bishita!
ORANJESTAD (AAN)-- Un bista hopi bunita por a haya nos dilanti Diabierna, cu tres crusero grandi mara na waf di Oranjestad, y nos bishitantenan bon ricibi tambe na Plaza Bon Bini.
Den e area aki, e kiosconan tabata bon bishita pa e turistanan cu a yega Aruba abordo di e tres cruseronan fabuloso aki, y por a mira cu hopi di nan a cumpra gift den e mercado aki, y di e manera aki contribuyendo con Aruba su economia, y den e temporada aki di Pasco y Fin di Aña cu e comerciantenan ta depende hopi di dje.
Tambe nan a saca potret, manera ta custumber di e turistanan en general, y cu ta e recuerdo cu nan ta keda cu ne di Aruba, y tambe e forma con nan ta recomenda nos Isla meymey di nan famia y amistadna unda nan ta biba.
Pa su edicion di awe, Matutino DIARIO a logra saca un par di potret di bishitantenan y di un di e tres cruseronan grandi, cu ta Coral Princess, cu tabata luci mahestuoso riba nos lama blauw intenso, mara na nos waf.
{gallery}Bista mahestuoso di Coral Princess den nos lama, mara na waf{/gallery}
