ORANJESTAD (AAN): Directora di biblioteca, sra. Astrid Britten, a ricibi 10 ehemplar di e buki pa mucha titula
‘Mihó lat ku nunka’ di e escritora di Curaçao sra. Jenilva (Jenny) Coffi-Alberto. Esakinan a bin como ‘special delivery’ cu Tito Lacle.
Caracter principal den e buki pa mucha, ta un djaca y e ta biba den camber patras di un cashi paña. E storia ta tocante lesamento y cu nunca no ta lat pa siña lesa y bira un gran lesador. Pronto muchanan por lesa of fia e buki aki na biblioteca na Playa of na San Nicolas. Sra. Britten a keda hopi contento cu Tito a trece e buki pa biblioteca hubenil na Aruba.
Jenny Coffi-Alberto ta viuda y mama di 2 yiu y el a cuminza skirbi na 2000. E ta gusta experimenta y ta skirbi cuenta pa mucha pero tambe Haiku. Den siman di ‘Ban lesa’ na Curaçao, sra. Jenny ta bishita diferente scol na Curaçao pa conta storia y introduci su buki. Otro buki di sra. Jenny ta ‘Het geluk van Kianu’.
