Famia mester di 5.641 Florin pa sobrevivi
ORANJESTAD (AAN): E siman aki, Oficina Central di Estadistica (CBS) a mustra cu costo di bida ta sigui subi.
Papiando di e “bestaansminimum”, esey ta e nivel minimo di entrada cual ta wordo percibi cu ta necesario pa logra mantene un nivel di bida adecuado den un cierto pais.
Usualmente e bestaansminimum ta wordo determina door di calcula e gasto di tur e recursonan
esencial cu un adulto ta consumi den un luna of aña.
Generalmente esaki ta wordo yama un indice basico di necesidad, y e ta varia segun e prijs di cuminda, paña, vivienda, transporte y otro articulonan den e “canasta”. Escalanan di ekivalencia ta wordo uza pa ahusta e nivel minimo di entrada percibi pa hogarnan di diferente tamaño y composicion.
E escala ta asigna un peso di 1.0 pa e prome adulto y 0.5 pa cada adulto adicional den e hogar (edad 15+) y un peso di 0.3 pa cada mucha (edad 0-14).
E bestaansminimum ta basa riba cifranan di e rapport “Bestaansminimum 2010” y ta wordo actualisa mensualmente pa cu inflacion usando e CPI mensual. E unidad di referencia den e rapport aki ta di un hogar cu ta consisti di dos adulto y 2 mucha (edad 0-14).
MEI 2026: Na luna di Mei 2026 e bestaansminimum mensual pa un hogar cu ta consisti di dos adulto y 2 mucha (edad 0-14) a bira 5,641 Florin. Esey ta mustra un subida di 131 Florin compara cu aña pasa, Mei 2025 (e tabata e tempo ey 5,510 Florin), y a wordo causa principalmente door di un subidanan di 80 Florin y 27 Florin den e sectornan di “Cuminda y bebida no-alcoholico” y “Transporte”. E caida mas grandi na mei 2026 a wordo registra den e sector di “Mobilario” (11 Florin menos).
Na luna di Mei 2026 e bestaansminimum mensual pa un hogar cu ta consisti di un solo adulto ta 2,686 Florin, cual ta representa un deficit di entrada di 679 Florin, un subida di 41 Florin compara cu e
deficit observa un aña pasa (638 Florin). E deficit aki ta esun di mas halto registra den un periodo di 6 aña pa luna di mei.
Reparatietoeslag: Pa clarificacion, CBS a agrega dos columna na Tabel aki, esta e reparatietoeslag, cu ta brinda sosten adicional na trahadonan eligibel; y tambe e deficit di entrada calcula, cu ta wordo reduci por
medio di e suma aki, y asina ta mehora e posicion financiero di trahadonan cu salario minimo.
E metodologia actual lo wordo manteni pa sigura consistencia y comparabilidad
