Alimento riba e isla...
ORANJESTAD (AAN): Oficina Central di Estadistica CBS, a caba di emiti nan relato relaciona cu inflacion registra durante luna di Mei 2026 riba e isla.
Den calculo di CPI y Bestaansminimum, a bin nota cu e indice di “Cuminda & servicio di Catering” a registra un subida di 0.5% na Mei 2026, despues di a registra un subida di 0.3% na April 2026. E indice di “Cuminda na cas” (0.3%) a registra un subida, unda 7 di e diesun indicenan di e gruponan di cuminda na cas a subi na Mei 2026.
E indice di “Berdura” a conoce e subida di mas grandi (2.8%) na Mei 2026. Otro subidanan significante a wordo registra den e indicenan di “Fruta” (2.5%), “Pisca y otro cuminda di lama” (1.4%) y “Sucu, jam y otro tipo di cos dushi” (1.2%).
E caida mas grandi a wordo registra den e indice di “Batata, yuca y batata dushi” (-4.3%) na Mei 2026.
E indice di “Cuminda pafo di cas” a registra un subida di 0.9% na Mei 2026. Na Mei 2026, “Cuminda na cas” y “Cuminda pafo di cas” como grupo, tabatin un subida di prijs di 0.5% compara cu April 2026 y hunto tawata tin un influencia 0.08 ppt riba e CPI, mientras cu e restante bienes y servicio hunto a experiencia un subida di prijs di 1.1% y tabatin un efecto di 0.93 ppt riba e CPI.
