Benta di klapchi a inicia diaranson atardi

Mas container ta yegando Aruba

ORANJESTAD (AAN): Anthony Thode ta un bendedo di klapchi y el a laga sa cu diaranson mainta nan tabata den full preparacion pa inicia cu e benta di klapchi.

            Manera ta conoci, dia 27 di December ta e dia cu oficialmente tur bendedo di klapchi por haci esaki y e dia aki por a mira con poco poco a cuminsa saca e mercancia y organisa esaki segun categoria.

            Diaranson 12 pm tur container cu klapchi a sali for di Wela y poco poco nan a wordo distribui na e diferente puntonan di benta.

            Na momento cu e bendedo ta cla y cu a caba di pone e productonan ariba shelf, por a cuminsa bende.

            Den su caso, e container cu el a bestel a yega prome cu December locual ta nifica cu no tabata tin retraso. Toch tin containernan cu tabata yegando ainda riba diaranson. Den e caso aki tin colegialidad y ta purba yuda otro cu e benta di mercancia, Thode a indica.