CARACAS: E president di e gremio Confederacion Nacional de Productores de Papa,
esta Abraham Hayón a bisa cu na Venezuela tin “menos di 10 mil hectare productivo” di batata, cual ta un caida compara cu e añanan prome tempo cu tabatin como 30 mil hectare.
Pues di e forma ey el a denuncia e situacion dificil cu e agricultornan di batata ta enfrenta, awor cu batata Colombiano ta wordo importa na e pais.
Venezuela su demanda pa batata ta wordo complementa cu 60% di esnan importa di Colombia. Batata di Colombia ta wordo usa pa distribui rond di e pais. Debi na esaki, e productornan Venezolano a dicidi na bende nan batata na e mesun prijs cu e esun cu ta yega for di e pais bisiña.
Pero ta haci denuncia cu e batatanan cu ta drenta Venezuela ta wordo bendi na e pais na un forma ilegal, y esaki ta inhusto pa e productornan di Venezuela. Nan ta kere cu e productornan di batata na Venezuela merece haya chens di ricibi credito pa haci inversion riba nan tereno y equiponan.
