Ban conoce un tiki di Aruba
Un pida beach situa zuid Seco di Rogans y Hadicurari.
E nomber Basiruti mes ta un tiki dificil pa splica.
Ba: significa tata
Si: Significa cabes of rondo
Ru: por bin di ruku of cora
Ti: ta altesa mahestad of Gran Spirito
Por pensa cu e tata cu cabes rondo ta e Gran Spirito pero no por cuadra esaki mucho cu e realidad cu tin den e cercania.
Loke si ta sigur cu den tempo di yobida, tin un pasada di rooi cu ta core for di Rooi Santo, pasa den Bakval yena e saliña y sali na e beach di Basiruti.
Si calcula unda Basiruti ta awor por bisa cu e ta situa na unda Marriot Hotels y Fishermans hut ta traha awor. Hadicurari ta un tiki mas noord na e parti mas noord di Fishermans Hut. Seco di Rogans ta situa na unda lama ta seco dilanti e casnan luhoso ariba Malmokweg.
Compila pa Roberto Croes
Nos Historia Nos Herencia
