Cargamento di 850 kilo cocaina
ORANJESTAD (AAN): Tabtaa Diamars 18 di April cu barco di Marina, Zr.Ms. Holland, cu na e momentunan aki ta nabega pa Wardacosta di Caribe Hulandes, a detecta un speedboat tipo Go-Fast.
Mesora comandante a laga baha e dos botonan di interceptacion rapido cu na bordo e team di Squadron Hulandes (Fleet Marine) di Zr.Ms. Holland a keda lansa pa stop e boto sospechoso.
E botonan aki di Wardacosta ta hopi rapido, y unabez cu nan a yega cerca di e Go-Fast, nan a duna nan señal pa stop. E sospechosonan a ripara cu autoridad ta yegando, y nan a cuminza benta bulto na cantidad den lama. Pero despues nan a haci lo corecto y a entrega nan mes.
E sospechosonan a benta un parti di e contrabanda den lama. E paketenan aki
despues a wordo saca for di den lama pa un di e botonan di interceptacion rapido.
E peso completo di e paketenan a yega na mas o menos 850 kilo di cocaina.
Zr.Ms. Holland a entrega e tres sospechosonan y e droga na Wardacosta di Caribe Hulandes, kendenan a entrega e personanan y droga na Cuerpo Polisial di Aruba. Entretanto e droga a keda destrui.
