Banco di Caribe den movimento cu Aruba Doet 2022

Un team bon anima a duna un man na Mon Plaisir College:

ORANJESTAD (AAN): Diasabra ultimo henter comunidad tabata den movecion pa e di 10 edicion di Aruba Doet!

   Un team entusiasma di Banco di Caribe a participa na e accion boluntario mas grandi riba nos isla. Banco di Caribe tin hopi aňa ta participa na Aruba Doet y e aña aki a duna un man na Mon Plaisir College HAVO.  Un team consistiendo di empleado y nan famia a pone man na obra y asina contribui na e proyecto di Aruba Doet.  E team a verf varios lokaal unda alumnonan ta haya les.

   E compromiso di Banco di Caribe cu e comunidad Arubano ta consistente. Pa hopi aña caba diferente fundacion y organizacion na Aruba por conta cu nan sosten.

   Aruba Doet un biaha mas a keda organiza pa CEDE Aruba cu sosten di Oranje Fonds. Banco di Caribe ta felicita ambos organizacion cu un exitoso evento na unda cu henter Aruba a biba cu e accion boluntario riba diabierna y diasabra ultimo.

   E aña aki por a duna un man na 189 proyecto y por a conta cu mas di 3,500 boluntario den movecion!  Como ciudadano comercial, Banco di Caribe ta haya importante pa duna un contribucion. Riba e fotonan adhunto por mira Banco di Caribe su team di boluntario y nan famia y e Director di Banco di Caribe Sr. Giovanni Croes den accion!

   Riba potretnan por mira e team di Banco di Caribe den accion durante Aruba Doet 2022.