Awor el a yega na 93,6 den e di dos trimester di 2026
ORANJESTAD (AAN): Banco Central di Aruba (BCA) a conclui e Encuesta di Confianza di Consumidor pa e segundo trimester di 2026. E encuesta di confianza di consumidor ta evalua e percepcion economico di e consumidor local.
Consumidornan a keda pesimista, aunke cu e Indice di Confianza di Consumidor a subi cu 0,9 punto di indice na 93,6 den e segundo trimester di 2026 (mira Grafico 1).
E Indice di Habito di Consumidor a crece cu 1,2 punto di indice te na 94,5 durante e segundo trimester di 2026. E Indice di Expectativa y e Indice di Situacion Actual tur dos a subi den e segundo trimester di 2026, esta cu 0,9 punto di indice te na 93,6 y 0,7 punto di indice te na 93,2, respectivamente. Mientrastanto, e Indice di Expectativa di Prijs a subi te na 90,4 durante e segundo trimester di 2026 (mira Grafico 2).
Prijsnan mas halto den e proximo 6 lunanan ainda ta keda un preocupacion grandi pa e respondentenan, como cu 93% di consumidornan ta premira cu den e siguiente 6 lunanan prijsnan lo ta mas halto. Respondentenan cu a indica cu nan no por “cumpra mesun hopi cu nan entrada compara cu 6 luna pasa” a baha cu 3 punto di porcentahe te na 90% den e segundo trimester di 2026. Pa locual ta e respondentenan cu a expresa cu nan ta “spaar menos compara cu 6 luna pasa”, esaki a keda igual na 46% den e segundo trimester di 2026.
E relato completo di e Encuesta di Confianza di Consumidor ta disponibel riba website di BCA www.cbaruba.org
{gallery}Banco Central indicando cu indice di confianza di Consumidor a subi cu 0,9 punto di indice{/gallery}
