Ya desde Juni 2026
ORANJESTAD (AAN): Banco Central di Aruba (BCA) a dicidi durante e reunion di e Comite di Maneho Monetario riba 8 di mei 2026 pa mantene e tasa di reserva obligatorio pa banconan comercial na 12,5% entrante 1 di juni 2026.
Puntonan principal: (*) Reservanan adecua. (*) Te cu 3 di april 2026, reservanan di divisa a sobrepasa substancialmente e normanan cu BCA ta monitoria. Ademas, BCA ta anticipa cu e reservanan di divisa lo keda adecua durante 2026.
Un inflacion abou: (*) Ambos indicador di inflacion midi na final di luna contra e mesun luna di e aña anterior y e promedio anual di inflacion a permanece na nivelnan relativamente abou di 1,1% y 0,2% respectivamente na maart 2026.
Incertidumbre mundial economico: (*) E incertidumbre mundial na e momentonan aki, incluyendo e tensionnan geopolitico persistente, por impacta e reservanan di divisa y inflacion, cu por causa desviacionnan for di e proyeccionnan cu ta fungi como nos punto di salida (“baseline”).
Banco Central di Aruba ta vigila indicadornan monetario y economico di cerca y lo ahusta su posicion di maneho monetario ora ta necesario pa mantene e tasa fiho di e Florin na e dollar Mericano.
