Conoce e coleccion di Artistanan di Aruba
ORANJESTAD (AAN): Wikipedia na Aruba y (BNA) Arubiana – Caribiana ta invita bo un evento interactivo y informativo estilo open house Dialuna awor 20 di April pa 5or te 7or di anochi.
E evento introductorio aki ta dirigi specialmente na editornan nobo cu tin interes den contribui na e enciclopedia liber digital mas grandi di mundo, Wikipedia!
E meta principal di e evento aki ta pa duna bon bini y prepara contribuyente nobo pa participa den documenta cultura riba Wikipedia, cu un enfoke riba artistanan local. E ta ofrece un ambiente di apoyo y conocemento unda participante por siña e base y gara e confianza pa cuminsa edita riba Wikipedia.
Participacion ta gratis. Lo tin snacks y algo pa refresca. Asina ta uza e oportunidad aki pa trece bo pregunta nan dilanti, conoce e coleccion di Artistanan di Aruba, conecta cu otro boluntarionan y registra pa e tayernan binidero unda bo lo siña e parti editorial y tecnico di uza Wikipedia.
E evento lo ta di 5 pm pa 7 pm na Arubiana-Caribiana ubica na Bachstraat 5.
