ORANJESTAD (AAN)- Na diferente oportunidad, bo matutino DIARIO a yega di trece dilanti, e situacion fastioso cu e hotelnan grandi ta pasa aden, cada biaha cu poco awacero cay.
Den e caso aki, esun cu mas ta sufri di e situacion desagradable aki, ta net panort di Hotel
Riu Palace rumbo pa Hilton Aruba Resort, caminda e plas di awa no solamente ta keda para eynan, sino cu ta awa sushi cu por worde mira cu wowo, ta sali di e sistema di rioolering cu ta pasa ariba e caminda.
E turistanan ta keha masha hopi di e situacion aki y keto bay nada no ta worde haci, pa trece un alivio pa cu e situacion descabeya aki. Ora cu ta papia na grandi di ofrece e turismo un mihor Aruba pa nan por bini di vakantie, mester corda tambe ariba cada punto cu ta perhudica e propaganda di Aruba.
E speranza ta grandi cu pa 2023 lo por tin placa den presupuesto pa drecha Irausquin Boulevard net dilanti Highrise Hotelnan.
