ORANJESTAD (AAN); Diadomingo awor ta bay celebra Fiesta di Misericordia, y ta conoci tambe como “Diadomingo di Misericordia”, y ta un dia pa reza pa nos Sacerdotenan.
E ta un gran motivacion pa nos por reza pa e Sacerdotenan, pa asina e Diadomingo aki, nan por predica riba e Misericordia di Dios, manera cu nos Señor Hesus Cristo a pidi, y pa nos tambe e ta un chens pa invita famia, amistadnan, y conocirnan pa bin misa riba Diadomingo.
Na Merca ta varios persona a bay Misa e dia ey, djis pa complace un famia, amigo, of conocir kende a invita nan, y nan a converti y regresa bek pa Dios. Esaki a socede danki na loke e Sacerdotenan a predica e dia ey riba e Misericordia di Dios.
Nos Señor Hesus Cristo a bisa Soeur Faustina cu unavez cu Sacerdote ta predica riba su misericordia, hasta e curazon mas duro por conmove.
Un biaha mas, humildemente ta pidi lo mas hopi persona posibel pa bay Misa riba Diadomingo awor y pa reza tambe pa nos Sacerdotenan pa asina nan por predica riba e Misericordia di Dios.
E gracia di Dios ta hopi poderoso, manera cu a ser bisa na Soeur Faustina, y e dia aki tur porta divino lo habri y lo bay brota hopi gracia.
