Baluarte Calulu Comenencia ta den e mihor 100 futbolistanan di Curacao

Federacion Futbol di Curaçao celebrando 100 aña cu presencia di Presidente di FIFA Gianni Infantino 

• Relato pa cortesia di Jan Poets
  
  ORANJESTAD (AAN): E ciudadano local Carlos Arthuro Comenencia, popularmente conoci como ‘Calulu’ a ser selecta entre e 100 futbolistanan den e team di e 11 mihor futbolistanan di 100 aña di existencia di Federacion di Futbol di Curaçao.

   Un informe ricibi pa cortesia di Jan Poets, ta indica cu na comienso di October venidero, Calulu Comenencia a ser invita pa ta presente na e ceremonia di 100 di Futbol di Curaçao na unda lo ricibi su plakaat for di man di Presidente di FIFA  Gianni Infantino.

   Cu su 7 aña di edad caba, como mucha Calulu a cuminsa hunga futbol cu Puppilen di Studiantes na Mundo Nobo. Despues ta e legendario keeper di Sithoc Celcio Polinet, a descubri Calulu.

   El a traha duro y a convence Calulu pa hunga pa e team di Sithoc, cual team tabata e unico cu Calulu a hunga cune na Curaçao.

   Despues di a cosecha exitonan grandi cu Sithoc como e specialista den arma wega como medio campista. Na edad di 23 aña Calulu a conoce su amor di bida Sixta "Baby”.

   Un palabra di pabien na Calulu