Baby Beach su nomber ta procedente di e trahadornan Americano cu tabata biba den Lago Colony y cu tabata traha na Lago.
Den nan tempo liber e trahadornan tabata bay cu nan famia pasa dia na beach y mirando e lama no ta mucho hundo, e famianan tabata landa cu nan yiunan chikito den awa. Di eynan e nomber a pega y e sitio a bira conoci como Baby Beach.
Nos antepasado tabata yama e lugar aki Mangel Cora.
Compila pa Roberto Croes