ORANJESTAD (AAN): Awe Diamars anochi trempan desde 6:00 pm den Wilhelmina Park na Playa lo
bay tin celebracion di e 10 aña di ‘Global Day of Discovery’, organiza pa Renaissance Wind Creek Aruba Resort.
Pueblo ta invita disfruta di un anochi yena cu productonan local, arte como parti di e di 10 edicion di “Global Day of Discovery”. Esaki ta un celebracion di 10 aña di compromiso di Renaissance Hotels unda ta conecta cu e bishitantenan.
E evento di e aña aki ta uno mas special ya cu Renaissance Hotels lo tin e lansamento di R-Finds, un iniciativa di Renaissance unda lo ofrece diferente productonan y artesania local. Por bishita e booth nan pa sea bo decoracion pa cas pa fin di aña, regalo pa nos ser keri, pa nos mes of simplemente pa aporta na nos productonan local.
Awenochi den seccion di mixologia, bo por siña traha cocktail cu expertonan den e ramo aki, unda ta ofreciendo 2 les (uno ta 7:00 pm y e otro lo ta 7:45 pm), y por registra pa participa na Wilhelmina Park mes durante e evento. Capacidad pa cada secion ta limita, ta recomendabel pa yega tempran pa por registra ya cu e lo ta di manera first-come, first-serve.
Compania local na R-Finds: Lo tin e oportunidad pa cumpra for di e compania local cu ta forma parti di R-Finds, esaki nan lo ta: “Hot Delight Pika” di Papaya, tambe “Dimondi” cu ta boutique di arte di concreto, obranan di man, y woodworking, y tambe “Ecoliving Aruba” cu ta expertonan di honing cu ta produci diferente productonan organico pa cuido di salud.
Tambe tin artesania obtenibel na e “Evenings Market”, e.o. ‘The Sticker Lady’, ‘Moment Candles’, ‘Loretti Design’, ‘Ma Didi’, ‘Moxie’, ‘Hands by Gaby’, ‘T2Pan’, ‘Aruflamingo Art’, ‘Briya’, y ‘Aruba Aloe’.
Musica lo ta den man di DJ V, Vanessa Leer, tambe lo tin booth di cuminda y bebida cu cumindanan local manera nos famoso Saco di Felipe, cheese balls acompaña cu e pica di papaya.
E actividad di awetardi na Wilhelmina Park ta start pa 6:00 pm.
