Marlon Maduro di Asociacion di Fisioterapista:
ORANJESTAD (AAN): Marlon Maduro di Asociacion di Fisioterapista di Aruba a duna di conoce cu a ripara cu hopi hende tin problemanan fisico aworaki y et hasta nan tin un 'wachtlijst'. Aunke esaki no ta solamente pa problemanan fisico, pero tambe neurologico, operacion of ortopedico.
El a bisa cu nan tin hopi pashent y asina hopi caso banda di e grandinan cu ta sufri di cierto otro problemanan. Esunnan cu ta haci operacion ta purba di trata nan mas lihe cu ta posibel pa por recupera miho. Si ta tarda hopi cu nan, den caso cu ta joint of rudia, e por bira stijf cu no por move mas, a señala.
Door di esey ta dicidi cu e tipo di pashentnan aki tin prioridad, pero asina mes ta purbando di yuda tur hende mas hopi cu ta posibel, a remarca.
Maduro a sigui bisa cu awendia tin basta hende cu ta hayando problemanan neurologico manera 'stroke' y esaki tin biaha tin di haber cu calor halto. Tambe tin hende cu ta sufriendo problema cu rudia, cu a haya un rudia nobo, a opera nan meniscus siendo cu ta hende cu no a haci ehercicio nunca.
El a indica cu lomba tambe ta un problema cu semper tabatey y cu lo keda tambe pasobra hende ta core, move, hisa cosnan, y no ta pone atencion riba e postura. Si ta un trabao caminda bo tin cu sinta hopi, lomba ta un di e partinan cu ta bay sufri mas.
E asociacion tin plannan pa keda activo y mustra comunidad kico fisioterapia por haci. Aworaki nan kier purba publica algun articulo tocante arthrosis cual ta un problema cu ta presenta den comunidad, vooral cerca esnan mas grandi
