ORANJESTAD (AAN): Awe Diabierna, 10 di November lo tuma luga, e tratamento di e cassatie na "Hoge Raad",
cu pais Aruba a entabla contra e veredicto di Corte Comun di husticia di Aruba, Curacao, Sint Maarten, y Bonaire, Sint Eustatius y Saba, di 6 di December 2022.
Den e veredicto ey, Corte Comun di husticia a establece cu den e legislacion di Aruba, matrimonio ta reserva pa personanan di e sexo opuesto. Segun Corte comun di husticia, di un banda, hurisprudencia di Corte Europeo di derecho humano (EHRM), ta establece cu esaki no ta un violacion di e tratado Europeo di derecho humano (EVRM).
Pero di otro banda, cu esaki ta empugna cu e prohibicion di discriminacion den nos constitucion di Aruba. Y a base di e ultimo aki, Corte comun di husticia ta yega na e formulacion di e legislacion na Aruba, cu matrimonio no por worde reserva solamente pa persona di sexo opuesto sino tambe pa persona di mesun sexo.
Por sigui e Livestream di e caso aki awemainta di 8:30 am (ora di Aruba) via e website di:
Gobierno di Aruba, ta di opinion cu e veredicto aki, no ta alinea cu e principionan constitucional di separacion di poder, pasobra Corte comun di husticia defacto, a bay sinta riba e stoel di e legislador (wetgever).
