ORANJESTAD (AAN): Pastoor Raffy Cananea y Comunidad di Laico Carmelita di Parokia Santa Teresita di Niño Hesus di San Nicolas ta invita tur deboto, parokiano y henter Pueblo di Aruba pa asisti na e Nobena na honor di La Birgen del Carmen.
E Nobena ta cuminsa diahuebs 7 di juli pa 5 pm na Misa Sta. Teresita di Niño Hesus. Despues di cada dia di nobena ta sigui un Santo Sacrificio di Misa.
Dia y orario di e Nobena na honor di La Birgen del Carmen ta como lo siguiente.
Awe Diahuebs 7 Juli ta cuminza 5:00 pm na Misa Santa Teresita. Diabierna 8 di Juli ta 5:00 pm na Misa Santa Teresita. Diasabra 9 di Juli ta 6:00 pm na Kapel Emmanuel.
Diadomingo 10 Juli ta 6:00 am na Misa Santa Teresita.
Despues for di Dialuna 11 di Juli te cu Diabierna 15 di Juli, e lo ta 5:00 pm tur atardi na Misa Santa Teresita.
E gran Fiesta na honor di la Birgen del Carmen lo ta diasabra 16 di juli pa 7 or di mainta na Cas Curason di Maria (Blue Army Center) na San Nicolas.
Ban nos tur como un gran famia uni den oracion pa gradici y consagra nos mes na La Birgen del Carmen.
