ORANJESTAD (AAN): E siman a yega pa e ‘Red Ribbon Week’ di FADA Aruba. Y esaki ta encera un siman pa tur hende bisti na locura, incluyendo alumnonan di scol.
Awe Dialuna 23 di October 2023, ta dedica pa bisa No na droga, y pesey ta pidi tur hende bisti un Shirt of Top color cora, pa mustra cu bo ta para contra uzo y abuso di droga.
Diamars 24 di October, lo pidi alumnonan pa bisti mea color blauw, y esaki ta pa kibra e stigma y para cu esnan cu awe ta sinti the blues.
Diaranson ta dia di bisti algo berde, cu ta e color di salud mental.
Diahuebs ta dia di Team-up Jersey, unda bo tin di bisti uniform di bo team faborito pa mustra cu abo tambe ta sigui un bida saludable.
Diabierna 27 di October, ta dia di bisti un shirt blanco y pone un slogan di salud mental of adiccion riba dje.
