ORANJESTAD (AAN): Basa riba mercadonan global y regional, lo bay tin cambio den prijs di productonan petrolero 14 di juli 2021, esta entrante awe Diaranson.
Minister di Finanzas, Asuntonan Economico y Cultura ta anuncia e prijsnan nobo di benta di combustible.
Gasoline Unleaded-premium ta subi cu 4,8 cent, pa asina wordo bendi awor na 230,7 cent pa liter.
Diesel LS ta subi cu 5,7 cent, pa worde bendi awor na 188,7 cent pa liter.
Kerosin ta subi cu 6,2 cent, pa wordo bendi awor na 165,1 cent pa liter.
E prijsnan ta inclui BBO/BAZV/BAVP.
Por nota cu den Caribe, na diferente isla prijs di combustible a subi, como cu e ta un trend den e region. Na Republica Dominicana mes, riba Diabierna 9 di Juli 2021, prijs di Gasolin Unleaded-premium y demas otro combustiblenan a subi di prijs.
Siman pasa na Jamaica, prijs di Gasoline Unleaded-premium y demas gasoline a subi. Diesel ta e unico cu a baha di prijs na Jamaica.
Puerto Rico tambe ta mirando con nan prijs di combustible ta yegando cerca di $1 pa liter di combustible. Gobierno di San Juan a reacciona riba esey, mustrando cu prijs di combustible ta subiendo barbaramente ultimo simannan. Crudo e dianan aki ta draai rond di $76 pa bari, y mirando loke ta pasando riba mercado mundial, e chens ta grandi cu e lo por yega bek na $100 pa bari.
Tambe a mustra, cu semper durante temporada di verano, cu prijs di gasolin ta subi. Na Puerto Rico, ultimo temponan aki e prijs di gasolin a subi cu 37%, segun estadistica di e Departamento DACO. Tur esaki ta bin danki tambe na e desacuerdonan cu ta existi aworaki entre e paisnan productor di petroleo.
