ORANJESTAD (AAN): Esnan encarga cu e Proyecto Stop e Violencia pa un mihor Aruba,
ta invita e pueblo di Aruba pa bin Sostene e proyecto grandi aki pa Aruba na Centro di Bario Tanki Lender na Tanki Leendert.
Esaki ta un tremendo actividad di Hersengymnastiek dia 22 April 2023. E Seso-Sport aki ta pa famia grupo of simplemente amigo y amiga nan bin pasa un rato agradabel unda hopi premio ta bay ser reparti.
For di 6:00 pm te cu 11:00 pm ta bay tin un actividad den ambiente Familiar. Lo ta bay tin presente Sr. Robert Thiel pa duna un ambiente y despues ta cuminsa cu e Hersengymnastiek.
Familia, Colega, sera bo team di 5 persona e gosto ta 25 Florin pa bo team, asina Bo ta duna bo aporte na e Proyecto Stop e Violencia pa un mihor Aruba.
Ban cuminsa awo cu Violencia tin cu caba nos kier biba den paz y armonia Familiar. Violencia ta cambia bo bida pa semper.
Ban demostra cu Aruba por y nos tur como arubiano mester proteha nos pilar di economia cu ta Turismo.
