Ministerio Publico a divulga
ORANJESTAD (AAN): Despues cu ex-Ministro Otmar Oduber a convoca un conferencia di prensa pa denuncia cu atrobe Ministerio Publico ta manda yame pa presenta pa caso di mesun disco gasta... riba Diabierna mainta Ministerio Publico a dicidi na manda un boletin referente e asunto aki, cu ta wordo yama ‘Caso Flamingo’.
Segun Ministerio Publico, nan a tuma un decision tocante persecucion di sospechosonan den caso Flamingo.
E investigacion Flamino tin (en breve) di haber cu practicanan fraudulento tempo ex-minister Oduber tabata ocupa e puesto di titular di Ruimtelijke Ontwikkeling, Infrastructura y Medio Ambiente durante e periodo di November 2017 te December 2019.
Ministerio Publico tin planea pa cita 8 sospechoso, entre nan e ex-minister.
E hechonan castigable cu lo worde persigui ta estafa, maluso di poder, corupcion (activo y pasivo) y falsificacion.
Segun Ministerio Publico, ya caba Corte den Prome Instancia a worde poni na haltura di e intencion pa cita e sospechosonan aki.
