Autor Gibi Bacilio a bishita Colegio Nigel Matthew

ORANJESTAD (AAN): Recientemente Colegio Nigel Matthew na San Nicolas, a ricibi bishita di autor y poeta Gilbert ‘Gibi’ Bacilio.

   El a presenta su tomo di poema mas nobo, titula ‘Fiernu Selestial’ y a tuma e tempo pa declama algun di su poemanan. E alumnonan di e aña escolar pre-examen cu tin papiamento den nan pakete di estudio tabata invita na e presentacion unico aki.

   Fuera cu Colegio Nigel Matthew tabata tin e honor di ricibi sr. Gibi Bacilio, tabata presente tambe e Poeta di Patria 2025, esta sr. Jhon Freddy Tobón Montoya.

   Un palabra di danki na Gibi Bacilio pa su presentacion, na sr. Jhon Freddy pa su acto di presencia y grabacion y sr. Mirto Lacle pa su empeño organisatorio pa trece sr. Bacilio na e scol.