ORANJESTAD (AAN): Recientemente Gobernador Alfonso Boekhoudt di Aruba a ricibi e conocido autor y historiado, Adolf ‘Dufi’ Kock pa un audiencia.
Dufi Kock tabata acompaña pa Sr. Gerald Franca.
Durante e audiencia, a papia tocante dos buki reciente di Sr. Kock , titula “Seccion Historico di Aruba” y “Mision di Marineronan Noruego”.
E dos bukinan aki di señor Kock ta un contribucion valioso na documentacion y descripcion di historia Arubiano. E potret aki pa cortesia di Kabinet Gouverneur Aruba.
