ORANJESTAD (AAN): Riba dialuna mainta, 7 di november na Curazon di Santa Cruz,
autor Denise de Jongh-Rekwest cu a bin for di Bonaire ta presenta su buki nobo special pa Siman di buki pa mucha 2022. Título di e buki ta ‘Bebe Bira Bon’.
E ta un buki pa lesa, komo un buki pa siña. Den e buki aki nos muchanan ta siña tocante algun yerba cu nos ta usa den bida diario. E título mes ta bisa caba. Bebe te di yerba pa bira bon i keda salú.
Meta di e buki aki ta pa siña conoce un custumber di nos wela-, bisawela- y antepasadonan y manten’e na bida. Tabata y ainda ta e custumber di algun hende pa bebe te di yerba mainta. Custumber tin di haber cu nos cultura.
E yerbanan tin característica particular. Nan tin un efecto curativo. Por planta y cuida nan pa propio uso tambe. E muchanan mes por crea nan hardin di yerba. Ademas di e aspecto cultural y di salud, e aspecto social tambe ta hunga un rol. Dialuna mainta e muchanan di Scol SPO ta bay disfruta di un bunita presentacion di yerba hunto cu autor Denise y sra. Olinda Rasmijn.
Pastor J. Maduro ta bendiciona e buki i duna algún bunita palabra. Madrina ta sra. Olinda Rasmijn y padrino sr. Randolph Fingal. Denise y sra. Olinda ta laga e muchanan ser a conocí cu e diferente yerbanan y splica e beneficio di cada yerba. Despues tur invitado lo disfruta di te di yerba y un warapa di yerba natural.
Denise ta spera cu e buki aki ta conduci na mas actividad of proyecto agradabel y ta desea tur mucha, mayor y docente masha placer cu ne.
Denise de Jongh-Rekwest
Outor/editor
Request Publishing
