Piscadornan balente di Aruba
ORANJESTAD (AAN): Esaki ta bira sigur e ‘Catch of the Week”. Aunke ta ser bisa cu tin biaha den Cuaresma ora cu tin biento fuerte, cu pisca ta bira scars den e region, toch e dos personanan aki a subi lama y bin bek cu un captura fenomenal.
Palabra di pabien ta bay pa e piscado Luis, y su yiu homber Luismar da Silva, kendenan a regresa cas sano y salvo cu un pisca Wasa cu a logra yega un peso di 145 kilo.
E potret aki pa cortesia di Fundacion Centro di Pesca Hadicurari, ta ilustra Luis y Luismar orguyoso di nan captura. Esaki claro ta sinonimo di ‘pan riba mesa’, y demostra na Aruba keto bay Piscamento ta nos tradicion, y tradicion di famia.
Nan a trece e pisca aden na Centro di Pesca Spaans Lagoen, y tabatin sacamento di potret na gran cantidad. Pabien na famia Da Silva, cu a demostra cu aunke lama tin olanan tiki bruto, toch nan a logra gara un Wasa basta grandi y ta hopi famia lo beneficia di esaki.
