Sistema di Prome Ministro Wever-Croes por bira solucion Reino
*Suma cu turistanan lo produci lo subi entrada di Reino
*Awe por entrega Aruba un Gobierno nobo di Reino Hulandes
ORANJESTAD(AAN)—Cu Aruba mester di un suma importante pa soluciona e problemanan cu e tin cu su sistema di purificacion di awa cu a wordo uza, a bini dilanti ultimo dianan.
“Waterzuiveringsinstallatie, e instalacion pa purifica awa na Aruba, a bini den noticia durante ultimo simannan despues cu di protesta di parti di e mundo hotelero contra e problemanan di holor den e area di hotelnan cu a reclama e existencia di Bubali Plas.
Prome Ministro Evelyn Wever-Croes a mustra cu pa yega na un solucion pa e problema aki, mester di hopi placa cu na e momentonan aki e comunidad di Aruba no por produci.
Aumenta placa di belasting cu Pueblo di Aruba ta paga, na opinion di Gobierno di Aruba ta sumamente dificil debi na e haltura di belasting cu Pueblo ta paga.
El a sugeri pa introduci un pago di turistanan pa atende cu e problema aki. Ta trata aki pues di un aumento di belasting, pa turistanan pa asina por remedia e situacion.
Esaki na Aruba a crea un protesta, mientras cu ayera informacionnan cu DIARIO a ricibi for di Hulanda ta indica, cu ta esaki ta e metodo cu lo produci pa Reino Hulandes un solucion pa forma un Gobierno.
Manera ta conoci Hulanda tambe conoce un situacion financiero dificil y mester genera entrada pa asina por cubri tur su gastonan, cu ta central den e formacion di un Gobierno nobo.
Ayera a cera cu e posibilidad cu awe e acuerdo final di un Gobierno di Reino lo por wordo spera na momento cu a wordo dicidi, cu ta introduci na Hulanda un aumento di belasting cu ta wordo paga dor di turista pa asina por cubri e necesidadnan di e Hulandes.
Di e forma aki, e solucion di Bubaliplas por bira e solucion tambe pa formacion di Gobierno di Reino Hulanes, cu awe lo por wordo anuncia.
Kende lo bira e Prome Ministro den e caso aki, lo mester wordo anuncia awe tambe.
Pues e formula di Prome Ministro Wever-Croes pa Bubaliplas lo bira e formula pa Reino Hulandes por tin un Gobierno nobo cu e medionan financiero necesario.
