ORANJESTAD (AAN): Señor Mauritsz de Kort desde prome di januari ultimo ta e presidente nobo di Corte Comun di Husticia di Aruba, Corsou, Sint Maarten y di Boneiro, Sint Eustatius y Saba.
Den e cuadro aki, riba dialuna 31 di januari 2022 señor De Kort a hiba un bishita di introduccion oficial cerca Gobernador di Aruba, Su Excelencia Alfonso Boekhoudt.
Durante di e audiencia, e presidente a splica cua ta e temanan cu particularmente e lo dedica atencion na dje durante di e proximo añanan. Vice-presidente di Corte Comun di Aruba, señor Jacques Keltjens, tambe a asisti na e audiencia aki, cual a tuma luga na Cas Ceremonial di Gobernador.
Desde 2011 señor De Kort, cu a nace y lanta na Aruba, ta eherce e funcion di hues. Di 2017 te cu 2021 e tabata tambe vice-presidente di Corte Comun di Husticia di Corsou y Boneiro.
Potret: © Kabinet Gouverneur Aruba
https://diario.aw/categories/noticia/general/audiencia-di-introduccion-oficial-presidente-nobo-di-corte-comun-di-husticia#sigProId6bb986ed6f
