ATSA ta organisa training educacional pa e sector di HORECA

ORANJESTAD (AAN): E CHTA Education Foundation ta contento di por regresa Aruba den 2022

y colabora cu Aruba Timeshare Association [ATSA] pa ofrece e Housekeeping, F&B y Supervisory training, tayernan cu ta patrocina pa Aruba Hotel & Tourism Association [AHATA].

            ATSA ta haci un cordial invitacion na miembronan di ATSA, AHATA y AF&BA, como tambe Vacation Rentals y tur otro profesionalnan den hospitalidad pa join e tayernan dinamico aki cu lo brinda miembronan di team trahando dentro di operacionnan diario, tacticanan, conocemento y siguransa pa regresa nan lugar di trabao cu mas energia y pasion pa percura cu cada guest tin un experiencia inolvidabel riba nos One Happy Island.

            Luigi Heredia, presidente di ATSA a comenta cu ‘e hunta di ATSA ta orguyoso di por ta colaborando cu Education Foundation y trece un tremendo training na tur cu ta traha den industria di hospitalidad y turismo riba nos isla, specialmente nos miembronan.

            ATSA su mision principal ta pa promove cooperacion entre miembronan como tambe entre e asociacion, su miembronan y cualkier otro entidad envolvi cu e industria den general y tambe time-share particularmente. Nos ta kere cu por medio di brinda educacion, informacion, hechonan y asistencia, cualkier negoshi den hospitalidad por mehora y sigui progresa. Cu e training aki, nos ta sigur cu nos por continua na mehora Aruba su standards y eleva e experiencia di guest, Heredia a indica.

            Karolin Troubetzkoy, Chairwoman, CHTA Education Foundation ta bisa cu ‘the Education Foundation ta comprometi na brinda training y programanan educacional pa industria di hospitalidad den Caribe pa sostene y avansa nos industria su personal. Nos ta hopi contento di por colabora cu ATSA, y danki na AHATA pa nan contribucionnan na nos programa di training e aña aki. Nos trainers, Louise & Suzanne, ta Caribbean dynamos cu experiencia extensivo di e industria hunto cu un passion pa inspira otronan den Caribe dentro di hospitalidad y turismo. No perde esaki! Nos lo warda bo pa duna bo bon bini!, asina el a bisa.

            E training lo tuma lugar entre 28 di November pa 10 di December 2022.