Atrobe Sportboys tabata e lugar principal pa festeha Dia di San Juan

ORANJESTAD (AAN): Dialuna anochi, Comision di Dera Gai di Sport Boys Club na Angochi

a organiza un exitoso actividad cultural pa festeha Dia di San Juan cu e tradicional Dera Gai.

   Un bon trabao di e comision, consistiendo di Edith Boekhoudt, Imelda Vasquez, Angelina Dijkhoff, Adolf Werleman, Dario Werleman, Pardo, y tambe Rasmijn. Tabatin baile di bandera pa e muchanan.

   Prome Ministro Evelyn Wever-Croes a haci un bishita tambe, y a splica cu p’e ta un honor pa a presente, kende a elogia Ministro Xiomara Maduro y Departamento di Cultura di Aruba (DCA) cu ta coordina tur e fiestanan nacional aki.

   El a splica cu henter Aruba semper sa cu na Sportboys tin celebracion di Dia di San Juan.  Esey ta debi cu e comision eynan ta “biba cu nos cultura”, ta duna les na muchanan y esey ta loke Gobierno ta anhela.  Esta cu muchanan ta lanta cu amor pa cultura, pa asina nan por sigui bib’e tambe.

   E ta un dia di celebra Fiesta di Cosecha, y pesey ta gradici tambe tur esnan cu ta planta y ta cosecha na Aruba.