Franchesca Heinze ta splica:
ORANJESTAD (AAN) – “Tapas for a cause” ta e nomber di e evento cu ATHA (Asociacion Trabao pa Hubentud) ta organisando, pa recauda fondo. Asina e Director di ATHA Franchesca Heinze a duna di conoce, den entrevista cu DIARIO.
E evento aki lo tuma lugar Diabierna, otro siman, dia 15 di September, di 7’or pa 10’or di anochi. E intencion di e fundraising aki ta pa ATHA por sigui traha proyectonan pa hoben, organisa training y sigui cu e desaroyo necesario tambe, pa haci sondeonan riba e tereno aki.
“LEADERSHIP CAMP” PA HOBEN:
Franchesca a agrega cu ATHA ta organizando un “Leadership Camp” pa hoben unda e hobennan lo haya training di “public speaking”, con pa traha un reunion, con pa atende un reunion, con pa crea notulen, tambe con pa bisti; pues, protocol y etiketa nan lo haya, con pa papia dilanti camara, y tur esaki ta parti di e Leadership Camp.
E actividad aki lo tuma lugar na October. E fecha exacto lo wordo anuncia despues, pasobra falta confirma algun localidad ainda.
