Roderick Croes, director di Aduana:
ORANJESTAD (AAN): Director di Departamento di Aduana, Roderick Croes, a duna di conoce cu e e brokernan a haya un presentacion di kico BBO na frontera ta nifica pa nan. A bisa cu naturalmente esey no ta bay nifica cu nan ta bay haya un 'aftrek' pasobra nan no ta rebende e producto, pero si pa nan sa kico ta e cambionan cu ta bay tin.
Segun Croes, na e momentonan aki, ASYCUDA ta haci ful e trabao y ta hinca den e sistema. Na momento cu ta pone e 'douanewaarde' den e sistema, den e declaracion, automaticamente locual tin cu paga ta wordo poni den e sistema tambe.
El a remarca cu por ehempel, si un hende ta bestel algo y ta drenta Aruba despues di 1 di Augustus e ta someti na e cambio di BBO na frontera. Pa Aduana esaki ta traha asina. Na momento cu e persona haci su aangifte y paga su invoerrechten, su BBO e ta wordo controla y laga drenta Aruba.
Den e caso cu un persona ta haci un declaracion y paga y despues di 1 di Augustus, automaticamente BBO na frontera ta bay conta pa esey tambe, a agrega.
Cualkier persona cu a bestel algo di afo prome cu 1 di Augustus mester tene cuenta cu e lo mester paga BBO na frontera cu ta drenta na vigor riba e fecha ey, Croes a remarca.
